«Боекмас өчен күңелләр, кимсенмәс өчен йөрәк-сез кирәк, укытучылар, безгә һәрчак сез кирәк!»

Бәйрәм белән сезне укытучым,
Йөрәгемнең якын кешесе,
Дөнья серен миңа өйрәтүчем,
Яшь җаннарга ходай илчесе,
Сезгә телим саулык, озын гомер,
Шәхси бәхет, дөнья рәхәтен,
Шәкертләрнең тырыш, инсафлысын,
Яхшы гамәл, ходай рәхмәтен

5 нче октябрь көнне мәдәният йорты һәм китапханә хезмәткәрләре «Боекмас өчен күңелләр, кимсенмәс өчен йөрәк-сез кирәк, укытучылар, безгә һәрчак сез кирәк!» исеме астында укытучыларны бәйрәм белән котлап музыкаль котлауларны җиткерәчәкләр. 

Укытучы — изге бер сүз ул. Һәр кеше моның мәгънәсенә төшенә. Укытучы бөтен көчен биреп балаларга аң — белем, тәрбия бирергә тырыша.  Укытучы һөнәре җир йөзендә иң изге һөнәрләрнең берсе. Катлаулы, җаның-тәнең белән бирелеп эшләүне таләп иткән хезмәтен бернинди сүзләр белән дә бәяләп бетереп булмый. Бары бер сүз генә әйтәсе килә: РӘХМӘТ Сезгә! Рәхмәт, Укытучыларыбыз!