Язучы Әсгатъ Салахка 90 ел «Безгә күптән таныш каеннар». Китап күргәзмәсе, әңгәмә.

Дәвек авыл китапханәсендә язучы Татарстан Республикасының атказанган мәдәният хезмәткәре Әсгатъ Сәлахка 90 ел тулу уңаеннан күргәзмә оештырылачак һәм укучыларга китаплары тәкъдим ителәчәк. Язучы Әсгатъ Сәлах ТР ның Әлмәт районы Елховой авылында туа. Үткән гасырның сиксәненче еллар ахырында язучы журналист буларак үзенең каләмен татар халкының милли мәнфәгатьләрен яклауга юнәлтә. 2001 елдан Татарстан Язучылар берлеге әгъзасы.  1990–2000 еллар арасында газетада язучының биш дистәгә якын төрле характердагы язмалары — публицистик-сәяси мәкаләләре, очерклары, хикәяләре, нәсерләре, юлъязмалары, хатирә-истәлекләре басыла. 1997 елда «Мирас» китап нәшриятында язучының шундый язмаларыннан сайлап төзелгән «Аккан сулар» исемле беренче китабы, аннан соң 1999–2006 елларда Чаллы һәм Казан нәшриятларында «Балыкчы малайлар» дигән хикәяләр җыентыгы, «Аккан сулар», «Соңгы вальс», «Каеннар юлы» исемле повестьлары, «Бараҗ токымы» дигән тарихи-публицистик әсәре дөнья күрә.