«Литературная Елабуга. Әдәби Алабуга»
7 нче октябрь көнне А.С. Пушкин исемендәге Алабуга Үзәк китапханәсенең татар һәм туган як турындагы әдәбият бүлегендә татар шагыйре, балалар язучысы Рәшит Бәшәрнең 75 яшьлек юбилее уңаеннан күргәзмәгә күзәтү узачак. Китап укучылар язучының тормыш юлы, иҗаты белән танышачак, яңа мәгълүмат алачак.
Рәшит Бәшәр — татар шагыйре, балалар язучысы, Татарстан Язучылар берлегенең Абдулла Алиш исемендәге бүләк лауреаты, Татарстан Язучылар берлеге әгъзасы.
Рәшит Бәшәр укучыларга, нигездә, балалар язучысы буларак билгеле. Аның балалар өчен язган шигырьләре һәм хикәяләре республика матбугатында узган гасырның алтмышынчы еллар ахырларында күренә башлый, һәм шул вакытларда ук ул «Яшь ленинчы» (хәзерге «Сабантуй») газетасы, «Ялкын» журналы оештырган шигырь конкурсларында җиңүче булып таныла.
Язучы белән кызыксынган укучыларны китапханәдә көтеп калабыз.
Указанная ссылка на источник реализации билета размещена непосредственно Организатором мероприятия и носит информационный характер.
Для размещения информации в этом разделе зарегистрируйтесь в личном кабинете учреждения культуры.